NATAWA lang si Pangulong Ferdinand “Bongbong” Marcos Jr. sa mga birada ni Vice President Sara Duterte na hindi ito marunong maging presidente ng Pilipinas.

Ipinagkibit balikat lamang ng Pangulo ang akusasyon ni Duterte nang tanungin ng mga mamamahayag sa ika-123 na anibersaryo ng Philippine Coast Guard (PCG) sa Manila.

Nagbanta rin si Duterte na ipahuhukay niya ang mga labi ni dating Pangulong Ferdinand Marcos Sr. at ipatatapon sa West Philippine Sea.

Maging si First Lady Liza Marcos ay tumanggi na ring magkomento sa mga pahayag ni Duterte.

Dumalo ang Unang Ginang sa anibersaryo ng PCG bilang isa sa mga reservist.