PINURI ni Vietnamese Prime Minister Pham Minh Chinh si Pangulong Ferdinand R. Marcos Jr. sa epektibong tugon ng gobyerno sa COVID-19 pandemic at sa naitalang economic growth rate ng Pilipinas na isa sa pinakamataas sa Asya.

“I wish to send my congratulations to the people of the Philippines for containing the COVID-19 pandemic and sustaining a high growth rate of GDP,” sabi ni PM Chinh sa isinagawang bilateral meeting ng mga opisyal ng Pilipinas at Vietnam sa Cambodia.

Sinabi ni PM Chinh na handa ang Vietnam na makipagtulungan sa Pilipinas sa isyu ng maritime security, kalakalan, pamumuhunan, at agrikultura.

Binigyan-diin din ni Chinh ang pangangailangan na masunod ang Declaration on the Conduct of Parties in the South China Sea.