Calendar

PBBM sinaksihan CDC circular signing
NANGUNA si Pangulong Ferdinand Marcos Jr. sa ceremonial signing ng Joint Circular on the Establishment of Child Development Centers (CDCs) sa pagitan ng Department of Education (DepEd) at Department of Budget and Management (DBM) sa ceremonial hall ng Malacañang noong Abril 3.
Ang Joint Circular nagbibigay ng mga alituntunin para sa mga local government units (LGUs) na magtatag ng mga CDC na pinondohan sa pamamagitan ng Local Government Support Fund-Financial Assistance to LGUs (LGSF-FA) na naglalayong pahusayin ang pag-access sa mga pasilidad ng pangangalaga at pagpapaunlad ng edukasyon sa mga kabataan, partikular sa mga lugar na mababa ang kita.
Ang inisyatiba inaasahang mapapahusay ang edukasyon sa mga paslit at may suporta sa mga komunidad na kulang sa serbisyo. Ang mga CDC magsisilbing mga resource hub para sa mga programa sa maagang pag-aaral, mga serbisyo sa suporta sa pamilya at pananaliksik sa pagpapaunlad sa mga bata, na epektibong tumutugon sa mga umiiral na puwang sa pangangalaga sa mga bata.
Kabilang sa mga dumalo sa ceremonial signing sina DBM Secretary Amenah Pangamdaman at DepEd Secretary Juan Edgardo ‘Sonny’ Angara.