SINAKSIHAN ni Pangulong Ferdinand R. Marcos Jr. ang paglagda sa Joint Memorandum Circular sa pagitan ng Professional Regulation Commission (PRC) at Commission on Higher Education (CHED) on the Alignment of the Board Licensure Examination for Professional Teachers (BLEPT) sa CHED Teacher Education Curriculum sa Malacañang noong Abril 10.

Ang Joint Circular direktiba ni Pangulong Marcos sa pagpupulong kasama ang Second Congressional Commission for Education (EDCOM II) noong Marso 4.

Binigyang-diin nito ang pagmamadali ng pagpapatupad ng mga kinakailangang reporma upang mapahusay ang bisa at kaugnayan ng mga programa sa edukasyon sa bansa.

Ang mga pagsusulit ng guro dapat mabigyan ng pahalaga ayon sa larangan ng espesyalisasyon, na naaayon sa mga kaugnay na programa, pamantayan at alituntunin na inisyu ng CHED upang matiyak ang tumpak na pagtatasa ng mga kakayahan na tiyak sa bawat espesyalisasyon sa pagtuturo.

Para sa Sekundaryang Edukasyon, kabilang dito ang magkakahiwalay na eksaminasyon para sa mga guro na may mga sumusunod na espesyalisasyon: English, Filipino, Mathematics, Science, Social Studies, Values Education, Technology and Livelihood Education, Technical-Vocational Teacher Education, Physical Education, at Culture and Arts Education.

Ang mga repormang pang-edukasyon na ito nakatuon sa pagtaas ng antas para sa kalidad ng pagtuturo upang matugunan ang matagal nang mga puwang sa bansa.

Sa huli, ito’y makikinabang sa mga Pilipinong nag-aaral dahil magbubukas ito ng mga pagkakataong makahanap ng makabuluhang trabaho, marangal na karera at isang mas empowered na lakas paggawa.