MARIING tinututulan ni Pangulong Ferdinand Marcos Jr. ang mga panawagang ideklarang persona non grata ang ilang opisyal ng Chinese Embassy, ayon sa Malacañang.

Ayon kay Palace Press Officer Claire Castro, malinaw ang posisyon ng Pangulo sa isyu.

“No ang sagot ng Pangulo,” saad ni Castro.

Ito ay kasunod ng tinawag na “word war” sa pagitan ng ilang opisyal ng China at mga kinatawan ng pamahalaang Pilipinas na umani ng batikos at panawagang maglabas ng mas matigas na aksyon laban sa mga dayuhang opisyal.