CAMP OLIVAS, Pampanga–Gusto ni B/Gen. Rogelio Peñones, ang bagong Central Luzon police director, ng “swift and responsive public service.”

Pinalitan ni Gen. Peñones si B/Gen. Jean Fajardo sa simpleng turnover of command sa kampong ito noong Lunes.

Sa kanyang mensahe, nagpasalamat si Gen. Peńones kay Presidente Ferdinand Marcos Jr. at PNP chief Gen. Nicolas Torre III sa pagbibigay tiwala sa kanya na pangunahan ang mga pulis sa Region 3.

Dating Deputy Director for Administration ng National Capital Region Police Office (NCRPO) si Penones bago napunta sa Region 3.

Inulit din niya ang directives ni Gen. Torre para sa 5-min response time sa lahat ng pulis. “Accountability will be non-negotiable in the police organization,” babala ng heneral.

Pinasalamatan din ni Gen. Peñones si Gov. Hermogenes Ebdane na nagbigay sa kanya ng pagkakataong maging provincial director ng Zambales.