OPISYAL nang inendorso ni Senador Aquilino “Koko” Pimentel III ang buong senatorial slate ng Alyansa Para sa Pagbabago, isang koalisyong kaalyado ng administrasyon ni Pangulong Ferdinand “Bongbong” Marcos Jr.

Sa isang pahayag na inilabas ngayong Mayo 5, hinimok ni Pimentel—na ngayo’y tumatakbo bilang kinatawan ng unang distrito ng Marikina—ang publiko na iboto ang mga kandidatong pinili ng Pangulo.

“Let’s help President Bongbong Marcos succeed by electing the senators he has endorsed,” aniya.

Binigyang-diin ni Pimentel na ang mga kandidato ng Alyansa ay may malawak na karanasan sa serbisyo publiko.

“They have written laws, rebuilt communities after disasters, managed national agencies, and governed cities and provinces,” ayon pa sa kanya. Idinetalye niyang kabilang sa mga ito ang mga dating senador, gobernador, alkalde, kongresista, at mga opisyal ng gabinete.

Sa kanyang panawagan, iginiit ni Pimentel na ang pagboto sa buong tiket ay hindi lamang para sa interes ng pamahalaan kundi para sa kapakanan ng buong bayan. “We are all passengers on the same ship. It’s in our nation’s interest to support the President and ensure the success of his final three years in office,” ani niya.

Panghuli, iniwan niya ang isang mensahe para sa mga botante: “Sa kapwa ko Pilipino, iboto po natin ang buong tiket ng Alyansa. Use your ‘KoKote.’”

Sa kabuuan, ang Alyansa Para sa Pagbabago ay naninindigan kasama ng mga layunin sa batas at mga polisiya ng administrasyon habang papalapit ang huling kalahati ng termino ni Pangulong Marcos.