TUKOY na ng Bureau of Immigration (BI) kung saan nagtatago si dating Presidential Spokesman Harry Roque.

Nahaharap si Roque sa kasong qualified human trafficking kasama si Cassandra Ong matapos salakayin ang illegal na operasyon ng Philippine Offshore Gaming Operator Lucky South 99.

Ayon kay Immigration spokesman Dana Sandoval, alam na nila ang kinaroroonan ni Roque.

Gayunman, tumanggi si Sandoval na tukuyin kung saan nagtatago si Roque.

“Unable to share information po ngayon at this moment, but we do have intelligence information on his whereabouts, mayroon po tayong mga counterparts that are giving us intelligence information about it. But siguro we will submit the information po sa proper authorities at the proper time,” pahayag ni Sandoval.

Sinabi naman ni Presidential Anti-Organized Crime Commission (PAOCC) spokesman Winston Casio na nasa preliminary investigation at submitted for resolution na ang kaso laban kay Roque at kay Ong.