DUMATING na sa Pilipinas ang pinakamalaking barko ng Philippine Coast Guard (PCG).

Ang 97-meter multi-role response vessels (MRRV) ay tatawaging “Barko ng Republika ng Pilipinas (BRP) TERESA MAGBANUA (MRRV-9701)”.

Ito ang isa sa dalawang barko na binili ng PCG sa Mitsubishi Heavy Industries (MHI), Ltd.

Bago matapos ang Marso ay inaasahan naman ang pagdating ng isa pang 97-meter MRRV.

Ang pagbili ng mga bagong barko ng PCG ay bahagi ng modernisasyon ng ahensya upang mapalakas ang pagbabantay sa teritoryo ng bansa.