ARESTADO ang apat na lalaking nagpa-pot session sa nakaparadang truck sa Brgy. Sala, Cabuyao City, Laguna noong Sabado.

Kabilang ang mga naarestong sina alyas Norman, Joseph, Dominador at Mark Anthony sa nahagip ng CCTV ng Asia Brewery Philippines kaya namataan ng mga security guard na sina Rolando Tirado at Loey Ruiz bandang alas-10:00 ng gabi.

Ipinaalam ng mga sekyu sa mga pulis ng Cabuyao kaya nadakip ang mga suspek. Nakumpiska sa mga suspek ang isang sachet na may lamang shabu, 3 crumpled aluminum foil at 1 lighter.