BINIGYANG-diin ng private counsel House ng prosecution panel na si Atty. Lorna Kapunan na hindi dapat harangan ng depensa ang pagpiprisinta nila ng mga ebidensiya kung talagang wala silang matibay na katibayan kaugnay sa mga tax records, bank records at iba pang dokumento tungkol sa financial transactions ni Vice President Sara Duterte.

Hinamon ni Kapunan ang kampo ng Bise Presidente dahil sa pagtutol nito sa kahilingan ng prosekusyon na maiprisinta sa impeachment court ang kanyang mga tax records, bank records at ulat ng Anti-Money Laundering Council (AMLC) tungkol sa kanyang mga transaksyong pinansyal.

“So we are saying now that we are talking about evidence, why are they blocking our evidence? When they said earlier in the House hearing of the Committee on Justice that they will present their evidence here,” ani Kapunan.

Ayon sa batikang abogado, ngayong nagsisimula nang iharap ng prosekusyon ang kanilang mga ebidensya, ang mismong kampo ni Duterte umano ang humaharang sa mga ito.

“And yet, now that we are presenting evidence, who is blocking the evidence? Who is blocking the presentation of the bank records? Who is blocking the presentation of the BIR records? Who is blocking all relevant evidence?” tanong ni Kapunan.

Ipinaalala rin ni Kapunan na ilang ulit nang sinabi ng kampo ni Duterte na sasagutin nila ang mga paratang sa tamang forum.

“So really this is a court. This is the impeachment court. This is the time to present evidence,” dagdag pa nito.

Ayon kay Kapunan, may karapatan ang bawat panig na magpasya kung paano nila ihaharap ang kanilang ebidensya.

Iginiit din ni Kapunan na nasa kapasyahan ng prosekusyon kung anong mga testigo at dokumento ang ihaharap nito bilang kinatawan ng taumbayan.

“But we in the prosecution believe that the manner of presenting and what testimony or pieces of documents to present is entirely the prerogative of the prosecution, representing the people and preserving or safeguarding the right information of the people,” pagbibigay diin ni Kapunan.