ISANG person deprived of liberty (PDL) noong Biyernes ang nakatakas sa Angeles City district jail sa Brgy. Ang Sto. Domingo Angeles City.

Kinilala ni Angeles City police acting director Col. Joselito Villarosa Jr. ang nakatakas na si alyas Ralph, 39.

Isang jail officer na naka-duty sa container van building ng male dormitory ang nakatuklas sa pagpuga ng preso nang magsagawa ng accounting ng mga PDL.

Ipinaalam ng jail guard sa kanyang superyor ang pagtakas at sa pagsusuri sa CCTV footage, nakita ang pumuga sa perimeter wall sa tabi ng cooking area saka tumalon sa dingding.

May manhunt ang Pampanga police para muling maaresto ang nakatakas na preso.