MAGMUMURA ng 65 sentimos per litro ang presyo ng diesel habang 55 sentimos kada litro ng gasolina simula alas-6:01 ng umaga ng Mayo 6, ayon sa mga kompanya ng petrolyo.

Sa magkakahiwalay na abiso ng PTT Philippines, Chevron Philippines, Petron Corporation, Pilipinas Shell, Seaoil Philippines at Flying, ganito ang price adjustment ng kanilang mga produktong petrolyo.

Aabot naman sa 90 sentimos kada litro sa kerosene ang ipatutupad din ng Petron, Chevron at Shell ng alas-6:01 ng umaga.

Pareho din ang price adjustment sa gas at diesel ng Unioil Philippines, Phoenix Petroleum, Petro Gazz, Jetti Oil at Eastern Petroleum habang alas-8:01 naman ang simula ng pagbaba ng presyo sa mga petroleum products ng Clean Fuel.