SISIPA na naman ng 35 sentimos hanggang 70 sentimos kada litro ang gasolina, P1.10 hanggang P1.40 kada litro sa diesel at 90 sentimos hanggang P1 ang kerosene sa Martes, ayon sa Department of Energy-Oil Industry Management Bureau.

Sa taya ng DOE-OIMB, ganito kalaki ang bulusok ng presyo ng mga produktong petrolyo batay sa apat na araw na kalakaran ng langis sa pandaigdigang pamilihan.

Kapag naipatupad, ito na ang panglimang sunod na linggo ng walang paltos na taas-presyo ng gasolina at tatlo naman sa diesel.

Ang paglakas ng dolyar at ang pagbagsak ng US crude na nangangahulugan ng paglago ng kanilang ekonomiya ang pangunahing dahilan ng pagsirit ng presyo ng mga produktong petrolyo, ayon sa DOE.