CAMP BGen Paciano Rizal — Arestado dahil sa kidnapping ang isang lalaki sa San Pedro City noong Lunes.

Nahuli ang suspek na si alyas Bulok sa pamumuno ni P/Lt. Col. Jaime Pederio, hepe ng San Pedro police, bandang alas-6:00 ng hapon sa Brgy. Nueva.

Inaresto ang suspek base sa warrant of arrest na inilabas ng Regional Trial Court Branch 170-A ng San Pedro City, Laguna na nilagdaan ni Judge Beryl Roy Vergara.

Kasalukuyang nasa kustodiya ng San Pedro police ang suspek.

“Ang matagumpay na pagkaaresto sa akusadong ito bunga ng sipag, tiyaga at determinasyon ng kapulisan ng Laguna at sa patuloy na pakikipagtulungan ng mamamayan ng lalawigan ng Laguna,” ayon kay Laguna police acting Provincial Director P/Col. Gauvin Mel Unos.