PATAY ang isang pulis matapos na tambangan ng hindi pa nakikilalang suspect nitong hapon ng Huwebes sa Makilala, Cotabato.

Nakilala ang biktima na si Staff Sergeant David Lopez de Jose, nakatalaga sa Makilala Police Station.

Batay sa ulat ng PNP, minamaneho ng biktima ang kanyang kulay blue na sasakyan nang tambangan ng mga suspect sa Sitio bagong Silang, Barangay San Vicente sa nasabing bayan.

Dead on the spot ang biktima habang mabilis namang tumakas ang mga suspect na lulan ng isang kotse.

Patuloy ang imbestigasyon sa insidente.