CAMP MIGUEL Malvar, Kumintang Ilaya, Batangas City–Nahuli ng mga operatiba ng Lipa Component City Police Station at City Drug Enforcement Team ang dalawang hinihinalang tulak sa Purok 2, Brgy Balintawak, Lipa City noong Miyerkules.

Kinilala ni Batangas police chief P/Col. Jacinto Malinao ang mga inaresto na sina alias Apel, 48, at alyas Baby.

Nakumpiska ng mga awtoridad ang 12 plastic na hihinalaang shabu na may timbang na 17.14 gramo at may karaniwang presyo na P116,552; buy-bust money, cellphone, isang coin purse at 125cc Mio Rusi motorcycle na walang plaka.