PATAY ang umano’y miyembro ng grupong kriminal, sugatan ang tatlong pulis at nailigtas ang limang biktima sa police operation sa Pido Ext., Brgy. East Awang, Calbayog City, Samar noong Sabado.

Ayon sa report, patay si Ricardo alyas Edar na umano’y miyembro ng Wahingon Criminal Gang.

Bandang alas-2:30 ng madaling araw ng ikasa ang operasyon sa tulong ng 1st Samar Provincial Mobile Force Company at Special Action Force.

Nagpaputok ang mga suspek kaya gumanti ng putok ang mga pulis na nagresulta sa pagkamatay ng suspek.

Narekober ng mga pulis ang 1 Rifle na 5.56 mm, 1 kalibre .45 pistol, 2 38 cal. revolver, 3 hand radio, mga bala at mga sachet ng ilegal na droga.