NASILO ng mga pulis ang suspek sa pagpatay na mahigit dalawang taon na nagtago matapos masangkot sa karumaldumal na pagpatay sa Caloocan City.

Binulaga ng mga tauhan ni Caloocan Police Chief P/Col. Edcille Canals ang 58-anyos na si alyas Cardo nang pasukin ang bahay niya sa Ipil St., Brgy. 172, dakong alas-12:10 ng madaling araw noong Miyerkules.

Sa ulat kay Northern Police District (NPD) District Director P/BGen. Josefino Ligan, sinabi ng mga pulis na hindi na nagpakita si alyas Cardo nang masangkot sa pagpatay sa Caloocan City mahigit dalawang taon na ang nakalilipas.

Nang makatanggap ng impormasyon ang Warrant and Subpoena Section (WSS) ng Caloocan police hinggil na pamamalagi sa Brgy. 172 ng akusado, ikinasa nila ang pagtugis na naging daan para matiklo ang suspek.

Nakapiit sa custodial facility ng Investigation and Detective Management Section (IDMS) ng WSS ang akusado.