SINUSPINDE ang klase sa Batasan National High School sa Batasan Hills, Quezon City matapos makatanggap ng impormasyon na may 15 bomba na itinanim sa paaralan noong Martes.

Ayon kay P/Lt. Col. Ramil Avenido, ground commander ng Quezon City Police District (QCPD), sa Facebook page ng paaralan bandang alas-11:00 ng umaga sinasabing may 15 bombang itinanim sa loob ng eskwelahan at sasabog ng alas-2:00 ng hapon.

Pero matapos ang inspeksyon sa buong paaralan kasama ang sniffing dog wala namang natagpuang bomba.

Dahil dito nagpatupad ang paaralan ng mga asynchronous na klase sa hapon.