NAARESTO ng mga operatiba ng Quezon City Police District (QCPD) ang 16 na suspek sa halu-halong krimen sa bisa ng warrants of arrest (WOA) sa loob ng 24 oras.

Nadakip ng mga operatiba ng District Anti-Carnapping Unit (DACU) sa ilalim ni P/Lt. Col. Hector Ortencio si alyas Adel, 34, sa kasong carnapping.

Inaresto naman ng Novaliches Police Station (PS 4) sa ilalim ni P/Lt. Col. Aljun Belista si alyas Rossana, 47, para sa paglabag sa RA 9165 (Comprehensive Dangerous Drugs Act of 2002).

Ang Fairview Police Station (PS 5) sa ilalim ni P/Lt. Col. Geronimo Dimayuga, Jr., naarresto si alyas Rafael, 42, sa kasong paglabag sa RA 7610 (Special Protection of Children Against Abuse, Exploitation and Discrimination Act).

Nadakip din sina alyas Ramon, 51, sa kasong acts of lasciviousness; Hannah, 31, para sa paglabag sa RA 11765 (Financial Products and Services Consumer Protection Act); at Romeo, 47, na may kasong frustrated murder.