BAGSAK sa kamay ng pulisya ang 63-anyos na magsasaka dahil sa kasong panggagahasa na nagtago ng pitong taon sa Brgy. Cansuso, Cavinti, Laguna noong Huwebes.

Sa report ni P/Lt. Col. Jojo Sabeniano, hepe ng Calauan police, kinilala ang arestadong suspek na si alyas Eliseo na nagtago sa Brgy. Cansuso matapos ang krimen.

Naaresto ang suspek dakong alas-5:25 ng hapon ng Warrant Operatives ng Calauan police.

Inaresto siya sa warrant of arrest galing kay Judge Virgilio Gesmundo, Presiding Judge ng Regional Trial Court, 4th Judicial Region, Family Court, Branch 8, Calamba City.