ARESTADO ang isang wanted dahil sa kasong panghahalay sa Camarines Sur sa Brgy. Poblacion B, Rosario, Batangas, noong Huwebes.

Nagsagawa ng operation laban kay alyas Salva ang mga operatiba ng Rosario police kasama ang ibang police units bandang alas-3:20 ng hapon kaya nahuli ang suspek.

Naaresto ang suspek sa bisa ng warrant of arrest na inisyu ni acting Presiding Judge Arniel Dating ng Regional Trial Court Branch 56 ng Libmanan, Camarines Sur.

Walang inirekomendang piyansa para sa pansamantalang paglaya ng akusado na kasalukuyang nakaditene sa himpilan ng pulisya sa Rosario.