𝗕𝗜𝗟𝗔𝗡𝗚 𝗸𝗶𝗹𝗮𝗹𝗮𝗻𝗴 “𝘀𝗽𝗼𝗿𝘁𝘀𝗺𝗮𝗻” n𝗮𝗴𝗽𝗮𝗮𝗯𝗼𝘁 𝗻𝗴 𝘁𝗮𝗼𝘀 𝗽𝘂𝘀𝗼𝗻𝗴 𝗽𝗮𝗴𝗯𝗮𝘁𝗶 𝗸𝗮𝘀𝗮𝗯𝗮𝘆 𝗻𝗴 𝗸𝗮𝗻𝗶𝘆𝗮𝗻𝗴 𝗽𝗮𝗴𝗵𝗮𝗻𝗴𝗮 𝘀𝗶 𝟭-𝗣𝗔𝗖𝗠𝗔𝗡 𝗣𝗮𝗿𝘁𝘆 𝗟𝗶𝘀𝘁 𝗖𝗼𝗻𝗴. 𝗠𝗶𝗰𝗵𝗮𝗲𝗹 “𝗠𝗶𝗸𝗲𝗲” 𝗟. 𝗥𝗼𝗺𝗲𝗿𝗼, 𝗣𝗵.𝗗., 𝗽𝗮𝗿𝗮 𝘀𝗮 𝗮𝗻𝗶𝗺 𝗻𝗮 𝗙𝗶𝗹𝗶𝗽𝗶𝗻𝗼 𝗽𝗮𝗿𝗮-𝗮𝘁𝗵𝗹𝗲𝘁𝗲𝘀 𝗼 𝗺𝗮𝘀 𝗸𝗶𝗹𝗮𝗹𝗮 𝗯𝗶𝗹𝗮𝗻𝗴 𝗺𝗴𝗮 𝗣𝗶𝗻𝗼𝘆 𝗽𝗮𝗿𝗮𝗹𝘆𝗺𝗽𝗶𝗮𝗻𝘀 𝗻𝗮 𝘀𝘂𝗺𝗮𝗯𝗮𝗸 𝘀𝗮 𝟮𝟬𝟮𝟰 𝗣𝗮𝗿𝗶𝘀 𝗣𝗮𝗿𝗮𝗹𝘆𝗺𝗽𝗶𝗰𝘀.

Ayon kay Romero, chairperson ng House Committee on Poverty Alleviation, hindi matatawaran ang ipinapakitang dedikasyon, tapang at katatagan ng anim na Pinoy paralympians sa kabila ng taglay nilang kapansanan.

Sabi ni Romero na ipinapakita lamang aniya ng mga nasabing atleta na hindi hadlang ang kanilang “handicapp” para hindi sila magpursige at masiraan ng loob upang hindi nila makamit ang kanilang minimithi.

Pagdidiin ng kongresista na dapat tularan ng mga Pilipino ang katatagan at dedikasyon ng anim na paralympians na hindi dapat maging balakid ang ating mga kahinaan para hindi magpatuloy sa pakikibaka sa mga hamon ng buhay.

Dagdag pa ni Romero na dapat din magsilbing inspirasyon ang mga atletang ito para naman sa mga Pilipinong nawawalan na ng pag-asa sa buhay na gaano man kahirap ang ating pinagdadaan ay kayang-kaya itong magapi gaya ng ipinapakita ng anim na Pinoy paralympians.

Kabilang sa mga paralympians na sasabak sa Paris Paralympics ay sina Jin Allain para sa Taekwondo, Angel Mae Otom para sa swimming at Ernie Gawilan. Kasama din sina Jerrold Mangliwan at Cendy Asusano para sa Track and Field at si Agustina Bantiloc para sa Archery.

Sila ang magre-representa sa Pilipinas para sa 17th Paralympic Games sa Paris, France.

Kasabay nito, ipinahayag din ni Romero na bilang Reservist sa Armed Forces of the Philippines (AFP). Napili siya bilang delegates sa Detroit, USA upang dumalo sa National Guard of United States og America (NGUS) Annual Convention.