𝗕𝗜𝗟𝗔𝗡𝗚 𝗸𝗶𝗹𝗮𝗹𝗮𝗻𝗴 “𝘀𝗽𝗼𝗿𝘁𝘀𝗺𝗮𝗻”, si𝗻𝘂𝘀𝘂𝗽𝗼𝗿𝘁𝗮𝗵𝗮𝗻 𝗻𝗶 𝟭-𝗣𝗔𝗖𝗠𝗔𝗡 𝗣𝗮𝗿𝘁𝘆 𝗟𝗶𝘀𝘁 𝗖𝗼𝗻𝗴. 𝗠𝗶𝗰𝗵𝗮𝗲𝗹 “𝗠𝗶𝗸𝗲𝗲” 𝗟. 𝗥𝗼𝗺𝗲𝗿𝗼, 𝗣𝗵.𝗗., 𝗮𝗻𝗴 𝗶𝗻𝗶𝗵𝗮𝗶𝗻𝗴 𝗽𝗮𝗻𝘂𝗸𝗮𝗹𝗮𝗻𝗴 𝗯𝗮𝘁𝗮𝘀 𝗻𝗮 𝗻𝗮𝗴𝗹𝗮𝗹𝗮𝘆𝗼𝗻𝗴 𝗴𝗮𝘄𝗶𝗻𝗴 𝗽𝗮𝗻𝘁𝗮𝘆 𝗮𝗻𝗴 𝗰𝗮𝘀𝗵 𝗶𝗻𝗰𝗲𝗻𝘁𝗶𝘃𝗲𝘀 𝗻𝗮 𝗶𝗽𝗶𝗻𝗮𝗴𝗸𝗮𝗸𝗮𝗹𝗼𝗼𝗯 𝗽𝗮𝗿𝗮 𝘀𝗮 𝗹𝗮𝗵𝗮𝘁 𝗻𝗴 𝗽𝗮𝗺𝗯𝗮𝗻𝘀𝗮𝗻𝗴 𝗮𝘁𝗹𝗲𝘁𝗮 𝗯𝗶𝗹𝗮𝗻𝗴 𝗽𝗮𝗴𝗸𝗶𝗹𝗮𝗹𝗮 𝘀𝗮 𝗸𝗮𝗻𝗶𝗹𝗮𝗻𝗴 𝗺𝗮𝗹𝗮𝗸𝗶𝗻𝗴 𝗸𝗼𝗻𝘁𝗿𝗶𝗯𝘂𝘀𝘆𝗼𝗻 𝘀𝗮 𝗸𝗮𝗿𝗮𝗻𝗴𝗮𝗹𝗮𝗻 𝗻𝗴 𝗯𝗮𝗻𝘀𝗮.

Sabi ni Romero, chairperson ng House Committee on Poverty Alleviation, pinatunayan ng mga atletang Pinoy na lumahok sa 2024 Summer Olympics na ginanap sa Paris, France na kaya nilang makipagsabayan sa kapwa nila atleta o manlalaro gaano man kahirap ang kompetisyon.

Ipinaliwanag pa ni Romero na muling ipinamalas ng mga pambansang atleta sa pangunguna ng two-time gold medalist na si Carlos Yulo na hindi basta-basta sumusuko ang mga Pilipino sa anumang laban sa harap ng napakahirap na sitwasyon gaya ng pinagdaanan nina Yulo.

Dahil dito, bilang isang “sports enthusiast” kinakatigan ng kongresista ang isinulong na panukalang batas para gawing pantay ang ibinibigay na cash incentives sa mga pambansang atleta kabilang na ang mga atletang may kapansanan na nakapag-uwi ng medalya mula sa isang international sports competition.

Sinasang-ayunan din ni Romero ang konsepto ng panukalang batas ni Sen. Jinggoy Estrada ito ay ang pantay-pantay na pagtingin para sa lahat ng Pilipinong manlalaro upang kilalanin ang kanilang napakalaking ambag para sa karangalan ng Pilipinas.

Ayon kay Romero, kung tutuusin ay napakaliit na halaga lamang ang cash incentives na ipagkakaloob sa atletang Pinoy kumpara sa napakalaking sakripisyo na ginawa nila para sa bansa.

Inihayag din ni Romero kumilos na rin ang Kamara de Representantes sa pangunguna ni House Speaker Ferdinand Martin G. Romualdez para lalo pang palakasin ang sistema ng pagbibigay ng suporta para sa mga atletang Pilipino.

Sabi pa ni Romero, kasalukuyang nirerepaso na ang Republic Act No. 10699 upang malaman ang mga nararapat na pagbabago. Kung saan, kasama na dito ang pagpapabuti sa mga umiiral na batas upang mapabuti ang kalagayan ng Philippine sports community.

To God be the Glory