Talagang hindi nakatiis si Ruru Madrid at bumalik na agad sa trabaho matapos magkaroon ng injury last Monday sa set ng “Lolong: Pangil ng Maynila.”

Sa kanyang Instagram Story ay nag-selfie ang aktor habang nasa sasakyan at sa caption ay mababasa ang linyang “Back to work!”

Matatandaan na ilang araw pa lang ang nakalilipas nang ibahagi ni Ruru sa IG na bumigay ang kanyang binti habang kinukunan ang isang eksena sa Kapuso action serye.

Isinugod siya agad sa ospital at dito nakumpirma na na-injure ang kanyang hamstring.

Kaagad siyang sumailaim sa iba’t ibang tests upang makita kung gaano kalaki ang pinsala sa kanyang binti.

The following day ay ibinahagi Ruru ang findings na nagtamo siya grade 1 and grade 2 strains sa kanyang hamstring at kinakailangan ng two to three weeks of recovery time.

Ikinatuwa na rin ito ni Ruru dahil at least, hindi grade 3 ang injury na buwan ang kailangang pahinga para gumaling.

Pero heto na nga na kahit two-three weeks ang sinabi kay Ruru ng doktor na pagpapagaling, hindi na siya nakatiiis at nagbalik na agad sa taping.