LABINDALAWANG senator-judge ang bumoto pabor kay Senator Francis “Chiz” Escudero bilang presiding officer ng impeachment court na lilitis kay Vice President Sara Duterte, habang walo ang bumoto laban.

Naganap ang botohan matapos kuwestiyunin ni Senator Alan Peter Cayetano ang rule na nagpapahintulot sa pagpili ng presiding officer sa impeachment case na hindi kinasasangkutan ng President of the Philippines.

Si Senator Pia Cayetano ay pumanig sa argumentong inihain ni Senator Alan Peter Cayetano at kinuwestiyon din ang rule na nagpapahintulot sa ibang senador na mamuno sa impeachment court.

Tinutulan ni Senator Francis “Kiko” Pangilinan ang challenge, at sinabing hindi ang impeachment court ang tamang forum para kuwestiyunin ang rule na dati nang pinagtibay ng Senado.

Ayon kay Pangilinan, ang usapin ay dapat inihain sa Senate plenary o dinala sa Supreme Court, at hindi bilang point of order sa impeachment court.

Iginiit niya na hindi pinapayagan ang point of order sa impeachment proceedings.

Nagpatuloy ang impeachment court sa botohan sa presiding officer issue, na nagresulta sa pagkakahalal kay Escudero.

Nauna nang binanggit ni Senate President Sherwin Gatchalian ang amended impeachment rules bilang batayan sa pagpapahintulot sa Senado na pumili ng presiding officer. Sinabi niyang nakabatay ito sa Constitution dahil ang Senado ang may sole power to try and decide impeachment cases.

Ayon kay Gatchalian, kasama sa kapangyarihang iyon ang authority ng Senado na gumawa at magbago ng sarili nitong rules.

Dahil sa botohan, si Escudero ang mamumuno sa impeachment court habang sinisimulan ng Senado ang proceedings sa kaso laban kay Duterte.

Nauna nang inatasan si Duterte na humarap sa impeachment court nang personal o sa pamamagitan ng kanyang abogado.

Nahaharap siya sa mga alegasyon kaugnay ng maling paggamit umano ng confidential at intelligence funds, unexplained wealth at umano’y pagbabanta laban kay President Ferdinand Marcos Jr. at iba pang opisyal.

Itinanggi ni Duterte ang mga paratang at sinabing pulitikal ang impeachment case.

Kailangan ang boto ng hindi bababa sa 16 na senator-judge, o two-thirds ng 24-member Senate, para sa conviction.