SAN JOSE, Batangas–Nagsagawa na ang bayang ito ng Pre-Disaster Risk Assesment (PDRA) upang masiguro ang kahandaan sa magiging epekto ng bagyong Uwan.

Handa na rin ang mga response cluster preparations team, na kinabibilangan ng MSWDO, MHO, MDRRMO, Agriculture Office, Engineering Office, Waterworks Office, Tourism Section, BFP, PNP at Batelec II, sa pagtugon sa mga mangangailangan ng tulong, ayon kay Reggie Arada Virtucio.

“Maging alerto, makinig sa mga abiso at siguraduhing laging handa ang ating mga pamilya.

Sama-sama nating ipagdasal ang kaligtasan ng bawat San Joseño,” sabi ng opisyal.