INIHALAL ng mga miyembro ng Kamara de Representantes si presidential son at Ilocos Norte Rep. Ferdinand Alexander “Sandro” Marcos bilang Senior Deputy Majority Leader.

Sa kanyang bagong puwesto ay isa si Marcos sa mamumuno sa makapangyarihang House Committee on Rules na siyang nangangasiwa sa mga panukalang batas na isasalang sa plenaryo ng Mababang Kapulungan.

Ang komite ay pinamumunuan ni House Majority Leader Manuel Jose Dalipe ng Zamboanga City.

Bagamat nasa unang termino pa lamang, si Marcos ay pamilyar sa mga gawain ng Rules committee dahil dati itong nagtrabaho sa opisina ni Leyte Rep. Martin Romualdez, ang House Majority Leader ng 18th Congress.

Si Romualdez ay inihalal na Speaker ng 19th Congress noong Lunes, Hulyo 25.