MAHIGIT 1,000 estudyante sa Cabuyao ang nakatanggap ng scholarship grants sa pamamagitan ng bagong sistema gamit ang ATM ng pamahalaang panlalawigan ng Laguna sa programang Iskolar ng Laguna.

Nagsagawa muna ng oryentasyon para sa mga mag-aaral upang gabayan sila sa bagong ipinatutupad na proseso ng pagkuha ng tulong-pinansyal na pinasimulan ni Gob. Sol Aragones upang mapabilis ang pagtanggap ng pondo.

Dumalo ang mga kinatawan ng Land Bank of the Philippines, katuwang ng pamahalaang panlalawigan para sa sistema upang magbigay ng guide at sumagot sa mga tanong ng mga iskolar.

Nagpasalamat kay Gob. Aragones ang mga scholars sa patuloy na pagsuporta sa kanila.