NALUNOD ang isang seafarer noong Linggo sa beach resort sa Morong, Bataan.

Sa ulat kay Police Regional Office (PRO) 3 director Brig. Gen. Ponce Rogelio Penones Jr., kinilala ng Bataan police ang nasawi na si alyas Golpo, 32, residente ng Payatas, Quezon City.

Lumalabas sa sagsisiyasat na nag-swimming ang biktima at ang kanyang live in partner sa beach resort sa Sitio Fuerte, Bgy. Poblacion, Morong, Bataan.

Pero dahil sa malakas na agos ng tubig tinangay sila palayo sa malalim na bahagi ng dagat.

Humingi ng tulong sa lifeguard ang live in partner ng biktima para mahanap ang ito.

Nang mailigtas ang biktima, isinugod ito sa Morong RHU ngunit idineklara itong dead-on-arrival.