TIMBOG ang patrolman ng Philippine National Police sa mga tauhan ng National Bureau of Investigation-Ilocos Regional Office (NBI-IRO) at Integrity Monitoring and Enforcement Group (IMEG) ng PNP dahil sa sextortion sa Rosario, La Union noong Biyernes.

Base sa ulat ng NBI-IRO kay NBI director Jaime Santiago, nagtungo ang complainant kasama ang abogado nito sa tanggapan ng NBI noong Hulyo 2 para ireklamo si alyas Pat. JM.

May mga malalaswang kuha ang dalawa na ipinost ng pulis sa social media account.

Sinabihan na ng complainant ang suspek na burahin ang mga kuha ng kanilang pagtatalik pero kalaunan lumabas din umano sa social media ang mga kuha.

Nahaharap sa kasong sextortion, paglabag sa RA 9262 at grave coercion.