ISANG security guard noong Linggo ang ninakawan ng shotgun ng tatlong lalaki na nakatakas sa Brgy. Curva, Bongabon, Nueva Ecija.

Kinilala ng Nueva Ecija police ang biktima na si Oliver Naguit, 27.

Ayon sa biktima, biglang sumulpot ang tatlong lalaking nakasuot ng itim na jacket, short at face mask, tinutukan siya ng baril saka binalutan ng duct tape ang kanyang paa, braso at ulo saka kinuha ang kanyang shotgun at tumakas patungo sa kalapit na bukid.

Nakuha ng mga rumespondeng pulis sa lugar ang isang bag na naglalaman ng halu-halong construction tools at dalawang steel bar na nakabalot sa sako.