MULING ipinahayag ni Speaker Ferdinand Martin G. Romualdez ang buong suporta ng Kamara de Representantes para sa pinaigting na kampanya ng administrasyon ni Pangulong Ferdinand R. Marcos Jr. laban sa ilegal na droga.

Ayon kay Romualdez, ang laban sa ipinagbabawal na gamot ay mahalaga para sa kinabukasan, seguridad at moral na direksyon ng bansa.

“This is a fight for the soul of our nation—and with President Bongbong R. Marcos Jr. at the helm, we are fighting this battle with truth, with justice, and with the Filipino people by our side,” ani Speaker Romualdez, matapos inspeksyunin ng Pangulo ang halos P8.9 bilyong halaga ng shabu na nasabat mula sa karagatan sa hilagang bahagi ng Pilipinas.

Agad na ipinag-utos ni Pangulong Marcos ang pagsira sa methamphetamine hydrochloride, na nakuha ng mga mangingisda na palutang-lutang sa dagat na sakop ng Zambales, Pangasinan, Ilocos Norte, Ilocos Sur at Cagayan.

Pinuri ni Speaker Romualdez ang mabilis, bukas at alinsunod sa batas na aksyon ng Pangulo, at inilarawan ito bilang “a bold and humane strategy that restores public trust while sending a clear message to drug syndicates that their days are numbered.”

“This is no longer just a campaign—it is a clear policy direction under the Marcos administration: one that rejects violence, upholds the rule of law, and mobilizes the whole-of-nation approach in protecting every Filipino community from the scourge of drugs,” diin ng lider ng Kamara.

Pinuri rin niya si Pangulong Marcos sa pamumuno ng kampanya kontra droga na nakasandig sa koordinasyon, intelligence-driven operations at pakikilahok ng komunidad, at binigyang-diin na mga karaniwang mangingisda ang unang rumesponde sa pinakahuling pagsabat sa ilegal na droga.

“This proves that the most powerful weapon in this fight is not fear—but trust, vigilance, and unity between government and people,” ani Speaker Romualdez.

Binigyang-diin din niya ang estratehikong kahalagahan ng desisyon ng Pangulo na personal na pangunahan ang pagsira ng nakumpiskang droga, na aniya ay nagpapalakas ng kumpiyansa ng publiko sa sistema at nagsisiguro na walang ilegal na substansyang muling makararating sa mga komunidad.

“President Marcos is setting a new standard of integrity and accountability. The message is clear: under his leadership, there will be no backdoors, no loopholes, and no compromises,” dagdag ni Speaker Romualdez.

Tiniyak ni Speaker Romualdez sa Pangulo at sa publiko na handa ang House of Representatives na magpasa ng mga batas na sumusuporta sa interdiction, maritime at border control, intelligence fusion, at rehabilitasyon ng mga drug user na naghahangad ng panibagong pagkakataon sa buhay.

“The House is all-in. We are working closely with the administration to provide our law enforcement agencies with the tools, technologies, and legal frameworks they need to succeed—not just in arrests, but in building a future where recovery and reintegration are possible,” ayon sa kanya.

Nagbabala si Speaker Romualdez na habang umuunlad ang mga kriminal na network, dapat ay ganoon din ang mga institusyong pampamahalaan—at pinuri niya ang Marcos administration sa kakayahang manatiling nangunguna sa pamamagitan ng determinadong pamumuno, transparency at reporma.

“This is not only a criminal justice issue—it is a national security, public health, and moral issue. And how we confront it will define our legacy as a people,” aniya.

Nanawagan si Speaker Romualdez sa bawat Pilipino na magkaisa sa likod ni Pangulong Marcos sa laban na ito, at tiniyak sa bayan na ang kampanya ay magpapatuloy nang may propesyonalismo, malasakit at buong puwersa ng estado.

“With President Marcos leading with courage and vision, and with the Filipino people standing beside him, we will defeat this threat—together. We owe it to our children, and to the generations yet to come,” pagtatapos ni Speaker Romualdez.