Calendar
Nanumpa sa tungkulin si Darlene Berberabe bilang bagong Solicitor General sa harap ni Pangulong Ferdinand R. Marcos Jr. nitong Huwebes, Mayo 29, 2025, sa Malacañang. Si Berberabe, na kasalukuyang Dekana ng Kolehiyo ng Batas sa Unibersidad ng Pilipinas, ang papalit kay Menardo Guevarra.
PCO
Speaker Romualdez suportado appointment ni Berberabe bilang Solicitor General
SUPORTADO ni Speaker Ferdinand Martin G. Romualdez ang appointment ni Pangulong Ferdinand R. Marcos Jr. kay University of the Philippines (UP) Law Dean Darlene Marie Berberabe bilang bagong Solicitor General ng bansa.
Sinabi ni Romualdez na highly qualified si Berberabe na pamunuan ang legal team ng gobyerno sa gitna ng mga masalimuot na isyung konstitusyonal at mahahalagang kaso na nangangailangan ng matalas at independiyenteng abogado.
“Newly appointed Solicitor General Berberabe is stepping in at a critical moment, and I have no doubt she is ready. Her legal expertise, leadership, and integrity make her the right choice to serve as the Republic’s chief legal defender,” ani Speaker Romualdez, isang abogado mula sa UP at pangulo ng Philippine Constitution Association (Philconsa), ang pinakamatandang samahan ng mga legal luminaryo sa bansa.
Sinabi ni Romualdez na mayroong mga petisyon laban sa Kamara na nakabinbin sa Korte Suprema na hinahawakan ng OSG.
“This is not a ceremonial post. We need a Solicitor General who can stand firm before the Supreme Court, argue persuasively, and safeguard the legal interests of the State,” ani Speaker Romualdez.
“Dean Berberabe has the intellect, experience, and independence to do just that,” dagdag pa ng lider ng Kamara na mayroong 306 kinatawan.
Bitbit ni Berberabe ang isang malawak at kahanga-hangang karera: nagtapos bilang top graduate sa parehong pilosopiya at batas sa UP, at nagsilbing dekana ng UP College of Law kung saan itinaguyod niya ang akses sa legal na edukasyon at makataong praktis ng batas.
“Her professional record is not only impressive — it is defined by discipline, fairness and vision,” ani Speaker Romualdez.
“I am confident she will lead the OSG with the same rigor and patriotism that have marked every chapter of her career,” giit pa niya.
Pinalitan ni Berberabe si Menardo Guevarra.
Tiniyak ni Speaker Romualdez na buo ang suporta ng Mababang Kapulungan ng Kongreso kay Berberabe sa pagganap nito ng tungkuling katawanin ang Republika sa korte at ipagtanggol ang Konstitusyon.
