WALA umanong kinalaman si Speaker Ferdinand Martin G. Romualdez sa isinusulong na people’s initiative (PI) upang amyendahan ang 1987 Constitution, ayon kay ACT-CIS party-list Rep. Erwin Tulfo.

“Wala namang instructions na ganun na, ‘Let’s do this, let’s push this’…’may regalo sa SONA’. There’s no such thing. Last I heard, when the House leadership tsaka mga political party leaders, hindi naman napag usapan yun eh na pipilitin nq magkaroon ng people’s initiative, na kailangan ng signature campaign,” ani Tulfo.

“Mayroon namang movants talaga na – well they were saying, they were accusing na it’s Speaker Romualdez doing this and that. May mga nagsasalita naman na it wasn’t the Speaker actually na, who initiated this,” dagdag pa nito.

Sinabi naman ni dating Ako Bicol Rep. Alfredo Garbin Jr., dating chairman ng House Committee on Constitutional Amendments, na ang Albay chapter ng League of Municipalities of the Philippines (LMP) ang nagsulong ng people’s initiative sa kanilang probinsya.

Ayon kay Garbin naimbitahan siya ng LMP-Albay chapter sa pagpupulong bilang dating chairman ng House committee on constitutional amendments.

“The rest, League of Cities of the Philippines and other civic organizations…and of course the local leaders, even chief executives, na kung saan mga barangay captains, mayors ang sumusulong. It snowballed from there,” sabi ni Garbin.

Kamakailan ay ikinonsidera na ng mga senador ang pag-amyenda sa Konstitusyon. Ang pag-amyenda sa Saligang Batas ay isinusulong na ng Kamara noon pang 8th Congress.