Calendar
Surigao chessers nang-gulat sa PCAP
GINULAT ng Surigao Fianchetto Checkmates ang local chess world matapos pabagsakin ang mga league heavyweights na Negros Kingsmen,12-9, at Iloilo Kisela Knights, 11.5-9.5, sa 2022 PCAP All-Filipino Conference kamakailan.
Nagpakitang gilas sina Lennon Hart Salgados, Mariel Romero, NM Cyril Ortega at FM Vince Alaan para sa Surigao, na namayani laban sa Negros sa kanilang blitz at rapid play.
Pinayuko ni Salgados si FM Randy Segarra, 3-0; binigo ni Romero si Adelaide Joie Lim, 2.5-.5; ginulat ni Ortega si FM Adrian Pacis, 3-0; at tinalo ni Alaan si Elsan Asuela, 2.5-.5, para selyuhan ang apat na panalo ng Surigao.
Bumawi ang Negros sa tulong nina FM David Elorta, na winalis si John Ranel Morazo, 3-0; FM Edsel Montoya,na ginapi si Antonio Chavez at Rhenz Auza, 3-0; at Ted Ian Montoyo, na itnumba sina Chavez at Auza.
Sa panalo naman ng Surigao laban sa Iloilo, nagpasiklab sina Alfred Rapanot, na wagi kay NM Cesar Mariano, 2.5-.5, at Romero, na nanalo kay WFM Cherry Ann Mejia, 3-0.
Naging top scorers naman ng Iloilo sina Karl Victor Ochoa laban kay Salgados, 3-0; GM Rogelio Antonio, Jr. laban kay Ortega, 2-1; at NM Rolly Parondo, Jr. laban kina Auza at Chavez
Ang dalawang sunod na panalo ay naghatid sa Surigao sa ika lima at ika anim na pwesto kasama ng Toledo Trojans sa kanilang 17-12 win-loss records sa 24-team tournament na itinataguyod ng San MiguelCorporation and Ayala Land.
Binigo din ng Iloilo ang Toledo, 15-6, sa husay nina Antonio, Ochoa at Mejia upang mapanatili ang unang pwesto sa 26-3 record
Tinalo ni Antonio ang beteranong IM na si Rico Mascarinas, tinuldukan ni Ochoa si Christopher Tubalado at winalis ni Mejia si Jinky Catulay — lahat sa 3-0 scores — upang matiyak ang panalo ng Kisela Knights.
Ang pumapangalawang Davao Eagles ay hindi naman natinag matapos manalo sa Tacloban Vikings, 17-4, kahit natalo sa Zamboanga Sultans sa playoffs, 10.5-10.5 (1-2).
May kartadang 22-7 ngayon ang Davao.
Nabigo nanan ang Zambonga na sundan ang panalo nito laban sa Davao matapos maungusan ng Camarines Eagles, 10-11.
Gayunman, nasa ikatlong pwesto pa din ang Sultans na may 21-8 slate.
Wagi naman ang Negros laban sa Cagayan de Oro, 11.5-9.5, para ika apat na pwesto na may 18-11.
Ang PCAP, ang una at nag-iisang play-for-pay chess league sa bansa, ay pinangungunahan nina Atty. Paul Elauria as President- Commissioner; Michael Angelo Chua as Chairman; Dr. Ariel Potot as Vice Chairman at Atty. Arnel Batungbakal as Treasurer.
Ang tournament ay may basbas ng Games and Amusements Board (GAB), sa pangunguna ni Chairman Abraham “Baham” Mitra at sinusuportahan din ng National Chess Federation of the
Philippines (NCFP), sa pamumuno ni Chairman/President Prospero “Butch” Pichay.
Schedule:
Round 30 — Manila vs. Caloocan, Laguna vs. Mindoro, Isabela vs. Olongapo, Cavite vs. Pasig, Cagayan vs. Quezon, San Juan vs Rizal, Iriga vs. Cagayan de Oro, Iloilo vs. Negros, Davao vs.Palawan, Cebu vs Surigao, Camarines vs Tacloban, Zamboanga vs. Toledo.
Round 31 — Caloocan vs. Laguna, Manila vs. Isabela, Mindoro vs. Cavite, Cagayan vs.Olongapo, Pasig vs. San Juan, Quezon vs. Rizal, Cagayan de Oro vs. Iloilo, Iriga vs. Davao, Negros vs. Cebu, Camarines vs.Palawan, Surigao vs. Zamboanga, Tacloban vs. Toledo
Standings after 29 rounds:
Northern Division Pasig 28-1; San Juan 25-4, Laguna 22-7; Caloocan 19-10; Cagayan 14-15; Manila 13-16,.Isabela 13-16; Rizal 12-17; Quezon City 12-17; Cavite 9-20; Mindoro 5-24, Olongapo 5-24.
Southern Division Iloilo 26-3; Davao 22-7;.Zamboanga 21-8; Negros 18-11; Toledo 17-12 Surigao 17-12; Camarines 16-13, Cagayan de Oro 13-16; Palawan 7-22; Cebu 6-23; Iriga 4-25, Tacloban 4-25.
