CABANATUAN CITY–Arestado ang limang hinihinalang tulak ng ilegal na droga sa syudad na ito sa aktong may pag-iingat na P20,000 halaga ng shabu kamakailan.

Tatlo sa limang suspek ang timbog sa Purok 1, Brgy. Cruz Roja alas-7:50 ng umaga matapos mahulihan ng 2.5 gramo ng shabu na nagkakahalaga ng P17,000.

May edad na 46, 43 at 28 ang tatlong suspek, ayon sa report.

Sa dalawa pang magkahiwalay na operasyon, arestado ang isang 26-anyos na construction worker sa Brgy. Rio Chico, General Tinio at isang 40-anyos na lalaki dahil sa shabu na nagkakahalaga ng P2,516.

Ipinahayag ni Nueva Ecija top cop Col. Ferdinand D. Germino na ang bawat pag-aresto sa sinumang suspek naglalapit sa mga tao sa isang mas ligtas na Nueva Ecija.