NALAMBAT ng mga tauhan ng Manila Police District-Pandacan Police Station 10 at Station Drug Enforcement Unit (SDEU) ang suspek sa pagtutulak ng ilegal na droga nang mahulihan ng 20.7 gramo ng shabu na may halagang P140,760 sa Quirino Avenue Extension at Canonigo St., Brgy. 824, Zone 89, Paco, Manila noong Linggo.

Nakilala ang suspek sa alyas na Putol na nahuli bandang alas-2:06 ng madaling araw.

Natiklo ang suspek sa pamamagitan ng isang poseur-buyer ng P500 halaga ng shabu.

Si Patrolman Jeo Montero at dalawa pang tauhan ng SDEU ang umaresto sa suspek, ayon sa report.