NAKORNER ng mga pulis ang suspek sa kasong panggagahasa noong Biyernes sa Caloocan City matapos ang isang taong pagtatago.

Nasukol ng mga tauhan ni Northern Police District (NPD) Director P/BGen. Josefino Ligan ang akusado sa kasong rape by sexual assault sa Jacinto St., Pagasa, Brgy. 175 dakong alas- 3:30 ng hapon.

Nahuli siya sa tulong ng warrant of arrest galing kay Caloocan Regional Trial (RTC) Presiding Judge Barbara Aleia Hernandez Briones ng Branch 1.

Pansamantalang nakapiit sa custodial facility unit ng NPD ang akusado.