MULING inaresto ng mga operatiba ng Manila Police District Station 11 ang 67-anyos na lalaki na nakakulong na sa selda ng Makati City jail dahil sa kasong acts of lasciviousness noong Sabado.

Nakilala ang suspek na si alyas Reynaldo, ayon sa ulat ni Police Lieutenant Meynard Umali Vargas, hepe ng Warrant and Subpoena Section, kay Police Lieutenant Colonel Roberto Mupas, station commander.

Hinuli muli ang suspek sa bisa ng arrest warrant na inisyu ni Judge Maria Celestina Mangrobang, Presiding Judge ng Regional Trial Court Branch 38 ng Manila.