NAARESTO ng mga awtoridad ang babae dahil sa kasong robbery with intimidation na mahigit dalawang dekada ng nagtatago sa Brgy. Anonas, Urdaneta City, Pangasinan noong Huwebes.

Bandang alas-4:00 ng hapon nahuli ang suspek na si alyas Marilou, 51.

Nahuli siya ng mga pulis na pinangunahan ng District Special Operations Unit (DSOU) sa pamumuno ni PLt. Col. Antonio Ananayo Jr., kasama ang District Intelligence Division (DID), Intelligence Section ng District Mobile Force Battalion (DMFB).

Unang namonitor sa Makati City ang suspek ngunit dahil sa tuloy-tuloy na surveillance natunton siya sa Urdaneta City.

Pinuri ni PBGen. Randy Arceo, acting director ng SPD, ang matagumpay na operasyon.

“The arrest of a long-time fugitive is a strong message that no one can hide from the law forever. This operation reflects the relentless pursuit of justice by our men and women in uniform and our commitment to protect our communities by holding criminals accountable,” sabi ng SPD director.