CAMP BGEN Paciano Rizal–Arestado ang isang suspek sa pitong counts ng panghahalay sa joint operation ng Lipa City police at Paete police noong Biyernes.

Ikinasa ang joint operation laban sa akusado na si alyas Marlon sa bisa ng warrant of arrest mula sa Regional Trial Court, Fourth Judicial Region, Branch 33, Siniloan, Laguna na nilagdaan ni Marlyn Reyes Agama, Presiding Judge.

Walang inirekomendang piyansa para sa pansamantalang paglaya ng inaresto.

Ayon kay P/Maj. Laurence Caboac, hepe ng Paete police, inaresto ang akusado sa B. Morada St., Brgy. 1, Lipa City, Batangas.

Kasalukuyang nasa kustodiya ng Paete police ang akusado.