BINIGYAN-DIIN ni TINGOG party-list Rep. Yedda Marie K. Romualdez ang kahalagahan na maisabatas ang panukalang onsite, in-city, near-city, at off-city relocation (House Bill 5) ng mga informal settler families (ISFs) upang matugunan ang pangangailangan sa pabahay at mapangalagaan ang karapatan ng mga mahihirap.

Ang HB 5 ay inaprubahan na ng Kamara de Representantes sa ikatlo at huling pagbasa. Ito ay nakatanggap ng 254 pabor na boto at walang tumutol sa pagpasa nito.

Ayon kay Romualdez mayroong probisyon ang panukala para pakinggan ang saloobin ng mga ISF sa pagbuo ng desisyon kaugnay ng kanilang relokasyon.

Batay sa datos, noong 2017 ay 51 porsyento ng mga ISF sa Pilipinas ay nakatira sa mga danger-prone area at 39 porsyento ng kabuuang bilang nga mg ISF ay nasa Metro Manila.

Kumpiyansa si Tingog Rep. Jude Acidre na ang panukala ay isa sa mga solusyon sa problema sa pabahay.

Paliwanag ni Acidre bagamat mayroong ousing program ang gobyerno sa kasalukuyan kalimitan ay inililipat ang mga ISF sa ibang lugar kaya nawawalan ng kabuhayan ang mga ito kaya bumabalik din sa urban area.

Kung ang relokasyon ay sa mismong lugar o malapit sa lugar kung saan sila nakatira, hindi na umano ito mangyayari.

Kasama nina Romualdez at Acidre bilang may-akda ng HB 5 si Speaker Martin G. Romualdez. Aamyendahan ng panukala ang Urban Development and Housing Act of 1992 (RA 7279).

Ang iba pang may-akda ay sina House Majority Leader Manuel Jose “Mannix” M. Dalipe, and Reps. Sonny Lagon, Neptali M. Gonzales II, Ralph Recto, Jose Francisco ”Kiko” Benitez, Ron Salo, Ivan Howard A. Guintu, Joseph Stephen “Caraps” S. Paduano, Mikee Romero, France Castro, Raoul Daniel A. Manuel, Harris Christopher M. Ongchuan, Florida “Rida” P. Robes, Marivic Co-Pilar, Ambrosio C. Cruz Jr., Ralph Wendell Tulfo, Erwin Tieng, Francisco Paolo P. Ortega, Samuel Verzosa, Joey Sarte Salceda, James “Jojo” A. Ang Jr., Manuel L. Fortes Jr., Joselito “Joel” S. Sacdalan, Tirso Edwin L. Gardiola, Antonio A. Ferrer, Adrian Jay. C. Advincula, Ma. Rene Ann Lourdes G. Matibag, Mark Go, Alfonso V. Umali, Khymer Adan T. Olaso, Jose Gay G. Padiernos, Antonio B. Legarda, Juan Carlos “Arjo” C. Atayde, Jocelyn Sy Limkaichong, Raul Angelo “Jil” D. Bongalon, Jonathan Clement M. Abalos II, Rodolfo “Ompong” M. Ordanes, Gerville R. Luistro, Jose Ma. R. Zubiri, Joseph Gilbert Violago, Felimon M. Espares, Faustino Michael Carlos T. Dy II, Angelo Marcos Barba, Wilter Y. Palma, Christopherson Yap, Keith Micah “Atty. Mike” Tan, Maria Carmen Zamora, Noel “Bong” N. Rivera, Ziaur-Rahman “Zia” Alonto Adiong, Princess Rihan M. Sakaluran, Shernee A. Tan-Tambut, Carl Nicolas C. Cari, Jonathan Keith T. Flores, Alfred C. Delos Santos, Emigdio P. Tanjuatco III, Ramon Jolo B. Revilla, Carmelo “Jon” B. Lazatin II, Gabriel H. Bordado Jr., Paul Ruiz Daza, Ruth Mariano-Hernandez, at Kristine Singson-Meehan.