𝗕𝗜𝗟𝗔𝗡𝗚 c𝗵𝗮𝗶𝗿𝗺𝗮𝗻 𝗻𝗴 𝗛𝗼𝘂𝘀𝗲 𝗖𝗼𝗺𝗺𝗶𝘁𝘁𝗲𝗲 𝗼𝗻 𝗧𝗼𝘂𝗿𝗶𝘀𝗺, n𝗮𝗴𝗽𝗮𝗵𝗮𝘆𝗮𝗴 𝗻𝗴 𝗹𝗮𝗯𝗶𝘀 𝗻𝗮 𝗸𝗮𝗴𝗮𝗹𝗮𝗸𝗮𝗻 𝘀𝗶 𝗥𝗼𝗺𝗯𝗹𝗼𝗻 𝗟𝗼𝗻𝗲 𝗗𝗶𝘀𝘁. 𝗥𝗲𝗽. 𝗘𝗹𝗲𝗮𝗻𝗱𝗿𝗼 𝗝𝗲𝘀𝘂𝘀 “𝗕𝘂𝗱𝗼𝘆” 𝗙. 𝗠𝗮𝗱𝗿𝗼𝗻𝗮 𝗺𝗮𝘁𝗮𝗽𝗼𝘀 𝗶𝗹𝘂𝗻𝘀𝗮𝗱 𝗻𝗴 𝗗𝗲𝗽𝗮𝗿𝘁𝗺𝗲𝗻𝘁 𝗼𝗳 𝗧𝗼𝘂𝗿𝗶𝘀𝗺 (𝗗𝗢𝗧) 𝗮𝗻𝗴 𝗽𝗿𝗼𝘆𝗲𝗸𝘁𝗼 𝗻𝗶𝘁𝗼 𝗻𝗮 𝗻𝗮𝗴𝘀𝘂𝘀𝘂𝗹𝗼𝗻𝗴 𝘀𝗮 𝗶𝗻𝘁𝗲𝗿𝗲𝘀, 𝗸𝗮𝗴𝗮𝗹𝗶𝗻𝗴𝗮𝗻 (𝘄𝗲𝗹𝗳𝗮𝗿𝗲) 𝗮𝘁 𝗸𝘂𝗹𝘁𝘂𝗿𝗮 𝗻𝗴 𝗺𝗴𝗮 𝗸𝗮𝗽𝗮𝘁𝗶𝗱 𝗻𝗮𝘁𝗶𝗻𝗴 𝗠𝘂𝘀𝗹𝗶𝗺 𝗻𝗮 𝘁𝗶𝗻𝗮𝗴𝘂𝗿𝗶𝗮𝗻 𝗻𝗶𝘁𝗼𝗻𝗴 “𝘁𝗼𝘂𝗿𝗶𝘀𝗺 𝗠𝘂𝘀𝗹𝗶𝗺-𝗳𝗿𝗶𝗲𝗻𝗱𝗹𝘆”.

Ayon kay Madrona, ang inilunsad na proyekto ng Tourism Department na itinuturing na isang “landmark initiative” ay isang kahanga-hanga at natatanging proyekto na nagsusulong sa kapakanan at interes ng mga Muslim sa pamamagitan ng Marhaba Boracay na isang Muslim-friendly cove.

Paliwanag ni Madrona na ito ang kauna-unahang pagkakataon na ang binibigyang importansiya ng turismo ng bansa ay ang kapakanan, interes at kagalingan ng mga Muslim sa halip na nakatuon lamang ang atensiyon ng naturang ahensiya sa malaking ganansiya na makukuha ng pamahalaan mula sa tourism sector.

Pinapurihan din ni Madrona sina Pangulong Ferdinand “Bongbong” R. Marcos, Jr. at Tourism Sec. Maria Christina Garcia Frasco dahil sa pagbibigay nila ng halaga at pagtataguyod sa kapakanan ng mga Muslim sa pamamagitan ng “sustainable at inclusive” tourism na naglalayong lalo pang palakasin ang mga pangunahing tourist destination sa Pilipinas katulad ng Boracay Island.

Pagdidiin pa ng kongresista na hindi maikakaila na ang Boracay Island parin ang nananatiling numero unong tourist destination ng Pilipinas dahil sa kaakit-akit at malinis nitong beach na nagtutulak naman sa napakarami o milyong-milyong dayuhan at lokal na turista na bisitahin ang nasabing lugar.

Kasabay nito, nagtungo naman sa tanggapan ni Madrona sa Kamara de Representantes si Department of Migrant Workers (DMW) MIMAROPA Officer-In-Charge (OIC) Regional Director Jonathan A. Gerodias para sa isang “courtesy call” kasunod ang naganap na pagpupulong.

Sabi ni Madrona na tinalakay sa kanilang meeting ang panukalang pagpapalakas ng mga programa ng DMW para epektibo nitong matugunan ang mga pangunahing pangangailan ng mga mamamayan partikular na ang tinatayang 23,000 na Overseas Filipino Workers (OFWs) na Romblomanon o mga residente ng Romblon.