DINAMPOT ng pulisya ang isang lolo matapos umanong tutukan ng baril ang dalawang motorista sa Katipunan Avenue, Quezon City.

Ayon sa Anonas Police Station, nag init ang ulo ng 60-anyos na lolo na isang truck driver matapos mag-over take sa harap ng minamaneho niyang truck ang tricycle driver.

Dahil sa inis ay tinutukan niya ito ng baril.

Inawat siya ng isang motorcycle rider na nadamay at tinutukan din.

Napag alaman ng pulisya na wala palang dokumento ang baril ng suspek.

Aminado naman ang suspek na hindi rehistrado ang baril na hinahanda niya raw pang self defense.

Pero tungkol naman sa panunutok ng baril, iginiit ng suspek na siya ay “no comment.”

Mahaharap ang suspek sa dalawang counts ng grave threat at paglabag sa comprehensive firearms at ammunition regulation act.