IGINIGIIT ni Manila 2nd Dist. Rep. Rolando “CRV” M. Valeriano sa Department of Labor and Employment (DOLE) at Department of Interior and Local Government (DILG) na dapat silang magsagawa ng monitoring sa mga Barangay patungkol sa “compliance” ng Kasambahay minimum wage bilang regalo nila ngayong panahon ng Kapaskuhan.

Kasabay ng selebrasyon ng Kapaskuhan (Disyembre 25), binigyang diin ni Valeriano, Chairman ng House Committee on Metro Manila Development, na napakagandang regalo kung totoong naipapatupad ang Kasambahay minimum wage para sa kanila.

Ipinaliwanag ng kongresista na ang minimum wage para sa mga kasambahay sa Metro Manila ay tumaas sa P500 kung saan ang total nito ay nasa P7,000. Subalit tila maliit pa rin aniya ang nasabing halaga sa gitna ng mabigat na pasanin nararamdamang ng inflation.

“Filipinos are tough people who soothe problems with jokes, cheer and laughter. However, wage hike orders that look good on the paper they are written on do little to ease the burdens of inflation. Kasambahay’s minimum wage in Metro Manila rose by P500. The new total is P7,000. Are Kasambahay’s getting the minimum wage and benefits,” wika ni Valeriano.

Iminumungkahi ni Valeriano sa DOLE at DILG na i-mobilize o i-organisa ang Barangay council upang masusing maidokumento ang “minimum wage compliance”.

“DOLE and DILG must mobilize the Barangay councils to diligently document minimum wage compliance. DOLE has lamented before that they do not have enough inspectors to check on compliance. But if the Barangay councils are deputized, trained and mobilized. They become the compliance deputies,” sabi pa ng kongresista.

To God be the Glory