𝗣𝗔𝗥𝗔 𝗸𝗮𝘆 𝗠𝗮𝗻𝗶𝗹𝗮 𝟮𝗻𝗱 𝗗𝗶𝘀𝘁. 𝗖𝗼𝗻𝗴. 𝗥𝗼𝗹𝗮𝗻𝗱𝗼 “𝗖𝗥𝗩” 𝗠. 𝗩𝗮𝗹𝗲𝗿𝗶𝗮𝗻𝗼, walang 𝗺𝗮𝘀𝗮𝗺𝗮 𝘀𝗮 𝗶𝗻𝗶𝗹𝗮𝗯𝗮𝘀 𝗻𝗮 𝗸𝗮𝘂𝘁𝘂𝘀𝗮𝗻 𝗻𝗶 𝗣𝗿𝗲𝘀𝗶𝗱𝗲𝗻𝘁 𝗙𝗲𝗿𝗱𝗶𝗻𝗮𝗻𝗱 “𝗕𝗼𝗻𝗴𝗯𝗼𝗻𝗴” 𝗥. 𝗠𝗮𝗿𝗰𝗼𝘀,𝗝𝗿. 𝗽𝗮𝗿𝗮 𝗶𝘀𝗮𝗺𝗮 𝗮𝗻𝗴 “𝗕𝗮𝗴𝗼𝗻𝗴 𝗣𝗶𝗹𝗶𝗽𝗶𝗻𝗮𝘀” 𝗵𝘆𝗺𝗻 𝗮𝘁 𝗽𝗹𝗲𝗱𝗴𝗲 𝘀𝗮 𝗹𝗶𝗻𝗴𝗴𝘂𝗵𝗮𝗻𝗴 𝗳𝗹𝗮𝗴-𝗿𝗮𝗶𝘀𝗶𝗻𝗴 𝘀𝗮 𝗹𝗮𝗵𝗮𝘁 𝗻𝗴 𝘁𝗮𝗻𝗴𝗴𝗮𝗽𝗮𝗻 𝗻𝗴 𝗴𝗼𝗯𝘆𝗲𝗿𝗻𝗼 𝗮𝘁 𝗶𝗯𝗮 𝗽𝗮𝗻𝗴 𝗶𝗻𝘀𝘁𝗶𝘁𝘂𝘀𝘆𝗼𝗻.

Binigyang diin ni Valeriano, chairman ng House Committee on Metro Manila Development, na hindi dapat bigyan ng masamang interpretasyon o maling pakahulugan ang naging direktiba ng Pangulong Marcos,Jr. sapagkat ang layunin lamang nito ay ang buhayin ang espiritu ng patriotism o “spirit of patriotism” para sa mga tauhan ng gobyerno.

Ipinaliwanag ni Valeriano na ang awiting “Bagong Pilipinas” ay isa rin paalala hindi lamang para sa mga kawani ay opisyal ng pamahalaan. Kundi para sa lahat ng mamamayang Pilipino na panahon na para magkaroon ng pagbabago at pag-unlad sa bansa na inilalarawan sa nasabing hymno.

Kinatigan din ng kongresista ang ibinigay na pahayag ni Senate President Francis “Chiz” Escudero na wala naman masama kung sambitin o awitin man ng mga opisyal at kawani ng pamahalaan ang Bagong Pilipinas hymn dahil ipinapahiwatig lamang ng awitin na mayroong pag-asa ang Pilipinas sa gitna ng mga pagsubok.

Ayon kay Valeriano, hindi makakatulong ang mga negatibong komentaryo patungkol sa awitin. Sa halip, dapat magkatulungan ang bawat mamamayan para umangat ang pamumuhay ng mga Pilipino.

“Wala naman tayong nakikitang masama sa kanta. It is in fact a good reminder to our countrymen. Much less our public servants na panahon na para magbago ang pamumuhay sa ating bansa.

Iyan ang ipinapahiwatig ng theme ng Bagong Pilipinas hymn,” wika ni Valeriano.

Sabi pa ni Valeriano, hindi rin dapat bahiran ng politika ang Bagong Pilipinas hymn sakaling ganito ang gagawin ng ilang kritiko ng administrasyon sapagkat ang nais lamang ibigay na mensahe ng Pangulong Marcos, Jr. ay ang pagkakaisa ng bawat Pilipino alang-alang sa bayan.