Calendar
Wagi ni Eala nakitang magandang pagbabago sa nangyayari sa EDSA
BINATI ni Senador Panfilo “Ping” Lacson si Alex Eala matapos makuha ng Filipina tennis player ang kanyang unang main-draw win sa Wimbledon Championships.
Tinalo ni Eala si Renata Zarazua ng Mexico, 6-1, 6-2, sa opening round ng grass-court Grand Slam tournament nitong Miyerkules ng madaling araw, oras sa Maynila.
Ikinatuwa ni Lacson ang panalo ni Eala at hiniling ang tagumpay nito sa susunod na round.
“Watching Alex Eala’s easy win in her first round of the prestigious Wimbledon Championships is a welcome departure from the unpleasant atmosphere in EDSA. Congratulations and good luck!” sinabi ni Lacson sa post sa X.
Umakyat sa second round si Eala, 21, kung saan nakatakda niyang makaharap ang Australian player na si Maya Joint.
Pumasok sa second round si Joint matapos talunin si Serena Williams, 6-3, 6-7(6), 6-3.
Ang Wimbledon ay isa sa apat na Grand Slam tournaments sa tennis.
