NAKATUTOK ang mga programa at proyekto ng 1-PACMAN Party List Group sa Kamara de Representantes hindi lamang sa pagpapaunlad ng Philippine sports bagkos naka-focus din ito sa pagpapa-abot ng tulong para sa mga mahihirap na mamayang Pilipino.

Pinangunahan ni 1-PACMAN Party List nominee Mikaela Louise “Milka” Romero ang pagsasagawa ng Medical Mission para sa mga mahihirap na mamamayan ng Cortes, Bohol.

Sabi ni Romero na layunin ng kanilang Medical Mission na maipa-abot ang malasakit at tulong ng 1-PACMAN Party List sa lahat ng mamamayang Pilipino na dumaranas ng kahirapan partikular na para sa mga walang kakayahang makapag-paggamot.

Ipinabatid pa ng batang Romero na hindi lamang ang pagpapaunlad ng Philippine sports ang kanilang prayoridad kundi pati narin ang paghahatid ng tulong para sa lahat ng mamamayan na nangangailangan ng kalinga at atensiyong medikal tulad ng isinagawa nila sa Bohol.

Binigyang diin pa nito na ang pagsasagawa ng Medical Mission sa iba’t-ibang lugar sa bansa at kahalintulad nitong mga inisyatiba ang adbokasiyang isinusulong ng 1-PACMAN Party List sa Kamara de Representantes na siyang ipagpapatuloy ng batang Romero sakaling papalarin itong mauloklok bilang Kinatawan.

“Walang iwanan pagdating sa serbisyong medikal. Isinusulong natin ang mga ganitong medical mission dahil ito ang adbokasiya aming adbokasiya sa Kamara, ang makatulong sa ating mga mahihirap na kababayan. Hindi lamang sports ang aming priority,” wika ni Romero.